Cawsom anerchiad gan Phil Grice (Llafur), Maer Caerfyrddin, sy wedi dysgu Cymraeg, a chwarae teg iddo fe. Hyd y gwelais, fe oedd yn cynrychioli Plaid Lafur ar ei ben ei hunan. Doedd yr un cynghorydd 'annibynnol' i'w weld chwaith. Doedd dim arwydd o ddiddordeb ar ran arweinydd y Cyngor, Kevin Madge, nac unrhyw aelod arall o'r Bwrdd Gweithredol.
Clywsom hefyd i un o ddau ddirprwy brif weithredwr y Cyngor anfon e-bost at drefnyddion y Rali i ddweud y dylen nhw symud y Rali o Neuadd y Sir i rywle arall yn y dref "am resymau iechyd a diogelwch". Iechyd a diogelwch y swyddogion uwch eu hunain, mae'n debyg.
Mae'n amlwg nad yw 44% o bobl Sir Gaerfyrddin yn cyfrif yn nhyb y Cyngor Sir, felly.
7 comments:
Faint oedd yno? Edrych fel torf fach iawn.
Rhwng 300 a 500 mae'n debyg.
Roedd hi'n oer a'r diawl!
80,000 siaradwyr yn Sir Gar. Felly un mas o bob 200 yn bothran troi mas... Sori am hyn,ond dw e ddim yn edrych yn dda.
Roedd y tywydd yn rhewllyd, doedd bron neb heblaw am bobl oedd yn byw yn agos i'r dref yn gallu dod oherwydd yr eira mawr gyda nifer o ffyrdd ar gau, yn yr amgylchiadau yma dwi'n credu bod rhyw 500 yn ffigwr da iawn! Erthygl yn yr Evening Post heddiw, a bydd mwy yn y Journal dydd Mercher:
http://www.thisissouthwales.co.uk/500-attend-Welsh-rally-Carmarthen/story-17918150-detail/story.html
Pa dystiolaeth sy' bod 500 wedi troi lan? Mae'r lluniau'n dangos fwy fel 300?
Post a Comment